啪!
究竟 "機艙服務員" 係你國家嘅語言係迷解做 "Spank me Daddy Spank me Hard~" ?
點. 解. 咁. 鍾. 意. 拍. 我. 地. ?
知唔知花痴大嬸你咁樣拍男同事比著係以前要浸豬籠架?
知唔知狗公先生你咁樣拍女同事比著係以前要比豬籠浸架?
即使係同性 我又唔係同你三分親
知唔知你咁樣拍我地比著係以前要比豬籠浸住個豬籠黎比人浸豬籠架?
姑且信你心無邪念 只係想吸引我地注意力
但係叫人都有好多種方法架姐
首先你可以用口嗌
如果你怕機艙太嘈嘅話可以揮手
真係咁怕醜豬嘅可以選擇按服務鈴
但係你就偏偏揀一個最蠻荒最原始嘅方式
人類二百幾萬年嘅進化顯然對你毫無作用
又或者你覺得輕輕一拍無傷大雅
但係你又有冇諗過做得呢行 好多同事們都好似中左七傷拳咁
頸緊膊痛腰傷手瘀關節勞損
除非你識還原靚靚拳或者掌仙術
唔係一野無情力打落黎真係傷上加傷
講到呢度你應該已經惱羞成怒咁話自己比好左多錢上黎打住飛機咁搭飛機
尊貴嘅客人拍下你有咩問題?
留意返
尊重呢家野同你比左幾多錢係全無關係
亦都唔係一個可以課金嘅天賦技能
難怪你百鳩幾歲人都仲未學曉
況且
你所謂嘅 "比左好撚多錢" 其實冇乜幾多落我荷包架咋
我仲停留緊係追討delay所剋扣嘅飯盒錢呢個貧窮地帶
所以要拍嘅唔該去拍肚滿腸肥哥個
機場有接送巴士直接送你入城架喇
聽講拍佢肚dum有連生貴子嘅神力加持添架
不過我更想知你去超市買完野係迷會去拍下誠哥pat pat咁囉
Search